24.11.2016թ.

1.Ուսուցչի մեկ օրը դպրոցում /կենսաբանության ուսուցչուհի Զ. Սիրունյան/

2. Առարկայական մրցույթ-վիկտորինա բնագիտական առարկաներից   /186-198 դպրոցներ համագոծակցություն/

3. Դասղեկի ժամ 12-1 դասարան /դասղեկ` Գ. Գևորգյան/



1.Ուսուցչի մեկ օրը դպրոցում /կենսաբանության ուսուցչուհի Զ. Սիրունյան/

Ավարտել է Կիրովականի Մանկավարժական ինստիտուտի Քիմիա-կենսաբանություն  ֆակուլտետը 1975 թ.-ին` մանկավարժի որակավորմամբ: Վերապատրաստվել է բազմաթիվ կրթական ծրագրերով, ստացել է <Կոլեկտիվ ուսուցման> մեթոդի վերապատրաստող ուսուցչի որակավորում, Ավագ դպրոցի կենսաբանության ծրագրերի համահեղինակ է: <Կրթության որակ և համապատասխանություն և համապատասխանություն> ծրագրի շրջանակներում իրականացվող մեթոդական առաջարկություն ուսուցիչներին> ուղեցույցի համահեղինակ:
Այս դպրոցում աշխատում է հիմնադրման օրվանից: Եղել է փոխտնօրեն և կենսաբանության մեթոդմիավորման նախագահ:  2015 թ.- ին ճանաչվել է դպրոցի լավագույն ուսուցչուհի:

Վաստակաշատ ուսուցչուհու հավաստագրերի, վկայականների,

պատվոգրերի մի փոքր մասը

-Դպրոցն իմ կյանքի հիմնական մասն է: Ես միշտ կարևորել եմ ուսուցումը, բայց շատ բարձր եմ գնահատել դաստիարակությունը: Իմ նախկին աշակերտներն այսօր աշխատում են հենց այս դպրոցում, շատերը Երևանի լավագույն կլինիկաներում վիրաբույժներ, սրտաբաններ, ատամնաբույժներ են, ես հպարտ եմ նրանց մարդկային որակներով:

- Ճիշտ է, դպրոցում տեղի է ունեցել սերնդափոխություն, բայց  պահպանվել են մեր դպրոցի լավագույն ավանդույթները` դրանք փոխանցվել են սերնդեսերունդ:  Դրան նպաստել է այն հանգամանքը, որ նոր սերնդի ուսուցիչները հիմնականում այս դպրոցի շրջանավարտներ: 

-Թեև դպրոցում պահպանվել է հինը, բայց նորի պահանջը միշտ էլ կա: Լավագույն փորձի մուտքը դպրոց, ուսուցիչների աշխատասիրությունը, անընդհատ կատարելագործվելու ցանկությունը: 
Իմ խորհուրդն է գործընկերներիս` չծուլանալ, լինել արդարացի, պահանջկոտ, պրպտող և, անպայման, ունենալ չափի զգացողություն, դա մանկավարժի համար շատ կարևոր է:

-Ես այսօր դասավանդել եմ բնագիտական հոսքի 12-3 դասարանում:
Թեման` Օրգանիզմների միջև փոխհարաբերությունների ձևերն էր: Տրվեց ինքնուրույն աշխատանք: Մինչ նոր թեմայի մատուցումը, կատարվեց հարցում նյութի մասին: Մատուցման այդ ձևը կոչվում է ԳՈՒՍ-ի մեթոդ`  գիտեմ-ուզում եմ իմանալ-սովորեցի: Աշակերտները կարողացան շատ լավ ընդհանրացումներ կատարել` կապ հաստատել իրենց ունեցած գիտելիքների և նորի միջև: Տանը հանձնարարվեց թեստայի աշխատանք կատարել: 
Առանձնապես ինձ գոհացրեցին Դաշտոյան Անահիտը, Մակյան Անիտան:

2. Առարկայական մրցույթ-վիկտորինա բնագիտական առարկաներից   /186-198 դպրոցների համագործակցություն/

Էլեկտրոնային գրատախտակի միջոցով` Online տարբերակով հնարավորություն եղավ  վերահսկել վիկտորինայի  ընթացքը և արդյունքները: Օգտգործվեցին  Socrative կայքի հնարավորությունները:

Աշակերտները թվով 26-ն են /12-ը` հարակից 186 դպրոցից/ խմբերը` 5:

Բնագիտական ուրաքանչյուր առարկայից առաջադրվել էր 4-ական հարց:
Յուրաքանչյուր խմբի համար կազմվել է թեստ, որն էլեկտրոնային գրատախտակի վրա առանձնացված  էր տարբեր գույներով:

Վիկտորինայի ընթացքը`
բնագիտական առարկաների ուսուցիչների
կազմակերպմամբ

Հաղթող թիմը

-Նման  առարկայական մրցույթները աշակերտների մոտ սեր, պատասխանատվություն և սովորելու ցանկություն են առաւջացնում: Մենք դա տեսնում ենք  մեր դպրոցի աշակերտների մոտ: Նմանօրինակ մրցույթ-վիկտորինաները անցկացվում են ՏՀՏ-ների կիրառմամբ, որն ավելի հետաքրքիր է դարձնում մրցույթի ամբողջ ընթացքը:

                                                               Ա. Բաղդասարյան    
                                                      /Քիմիայի ուսուցիչ, 186 դպրոց/
                                                                                            
  
3. Դասղեկի ժամ 12-1 դասարան /դասղեկ` Գ. Գևորգյան/

Թեման` Պայքար թմրամոլության և թմրանյութերի
առք ու վաճառքի դեմ