29.11.2016թ.

1. Ոսուցչի մեկ օրը դպրոցում /Հայոց լեզվի և գրականության ուսուցչուհի Գ. Ղազարյան/

2. Հերթական այցը Մատենադարան. այս անգամ 10-4 և 11-1 դասարանները

3. ֆակուլտատիվ պարապմունք ֆիզիկաիկայից

1. Ոսուցչի մեկ օրը դպրոցում /Հայոց լեզվի և գրականության ուսուցչուհի Գ. Ղազարյան/

Ավարտել ԵՊՀ-ի բանասիրական ֆակուլտետը 1989թ.-ին` ուսուցչի որակավորմամբ:
Այս դպրոցում է 1986թ.-ից:

Կրթական ծրագրերի, վերապատրաստման

տարբեր դասընթացների հավաստագրեր,

պատվոգրեր, շնորհակալագրեր

-Մանկավարժությունն ինձ համար կոչում է:

Մեծացել եմ մանկավարժի ընտանիքում. ինձ համար մանկավարժի օրինակ եղել են իմ ծնողները: Ես նրանցից տեսել եմ պատասխանատվության մեծ զգացողություն, նվիրվածություն իրենց գործին, հոգատարություն: Սրանք այն արժեքներն են, որ երբեք չեն փոխվում, իսկ այսօրվա մանկավարժական աշխարհում ավելացել է նոր սերնդի հետ նոր որակները գնահատելու կարողությունը: Դա պետք է արվի հնի ու նորի սահուն համադրությամբ:
- ԻՆձ համար շատ կարևոր մարդկային արժեք է նվիրվածությունը աշխատանքին, կոչմանը հավատարիմ լինելը:

- Ես գնահատում եմ աշակերտի մեջ նոր մարդ տեսնելու ուսուցչի կարողությունը, պետք է կարողանալ երեխայի մեջ գտնել լավը, դրականը և հենվել դրա վրա, պետք է օգնել, հնարավորություն տալ ինքնադրսևորվելու:

Մարդ դաստիարակելու, սերունդ կրթելու գործում մեզ օգնում է գրականությունը:

Հայոց լեզու 10-րդ դասարանում

-Այսօր ես պարապել եմ 10 և 12-րդ դասարաններում:
12-րդ դասարանում ամփոփեցինք Ձևաբանություն բաժինը, թեման` Գոյական:
Խմբային աշխատանքով բացատրեցի գոյականի քերականական տարրերը`տեսակը, թիվը, հոլովը, հոլովումը, հիմնավորեցի շտեմարանի երրորդ բաժնի թեստային առաջադրանքներով:
Այս դասարանում ինձ գոհացրեցին Հակոբյան Անահիտը, Խոսրովյան Էլինան, Վիրաբյան Կարենը, Խաչատրյան Տուֆինան:

10-րդ դասարանում թեման` Բաղաձայնների ուղղագրությունն էր / Վ-ֆ, Հ /: Դասը սկսվեց մտագրոհով: Զույգերով, կանոնների հիման վրա դասակարգեցին առաջադրանքի ուղղագրական բառերը: Կատարած աշխատանքի շնորհիվ, աշակերտները հանգեցին նյութի ընկալմանը: Դասարանում աշխատեցին բոլորը, առանձնապես աչքի ընկան Լենան, Սոնան, Ռուբենը, Արամը, Վիգենը, Անահիտը:

-Ինձ միշտ ուղեկցում է Հ. Թումանյանի խոսքը. <Դպրոցը գրականության հիմքն է, իսկ գրականությունը` դպրոցի բովանդակությունը>:
Ամենայն հայոց բանաստեղծի պատգամի համաձայն` մաքուր պահենք մեր սաների հոգիները` մաքուր ու լիքը, նրանց փոխանցենք ամենաբարի ու ամենալավ զգացողությունները, որ աշխարհին ու մարդուն նայեն բարի սրտով ու պայծառ հայացքով:

2. Հերթական այցը Մատենադարան. այս անգամ 10-1, 10-4 և 11-1 դասարանները հայոց լեզվի և գրականության ուսուցչուհի Գ.Ղազարյանի հետ: