03.05.2017թ.

1. Խորհրդակցություն Հայոց լեզվի և գրականության ուսուցիչների մասնակցությամբ

2. <Վիրտուալ կենդանաբանական այգի> խմբակի անձնակազմը Երևանի կենդանաբանական այգում`որպես գիդ

3. Ապագա հոգեբանը ճանաչվել է 17.am Հայաստանի պատանի թղթակիցներ ցանցի հանրապետության 100 լավագույն թղթակիցներից մեկը



1. Տնօրեն Արտաշես Թորոսյանը հրավիրել էր խորհրդակցության Հայոց լեզվի և գրականության ուսուցիչներին:
Ուսուցիչները ներկայացրեցին տարվա ընթացքում կատարված աշխատանքները` ուսումնական և մեթոդական աշխատանքներ, միջոցառումներ, մրցույթներ, այցելություններ տուն-թանգարաններ:
Խորհրդակցության հաջորդ հատվածում քննարկվեց չափորոշիչային հարցեր կազմելու և դրանք աշխատանքի ընթացքում կիրառելու արդյուքները Հայոց լեզվի և գրականության դասերին:

- Ամեն դասի համար կազմվել են չափորոշչային գիտելիքները ստուգող հարցեր: Հարցերը կազմել եք այնպես, որ այն հաջորդ ուսումնական տարում դառնա թեմատիկ պլան:  Չափորոշիչային հարցերի միջոցով մի կողմից գնահատվում է ուսուցչի աշխատանքի արդյունքը, մյուս կողմից ապահովում է ուսուցչի պաշտպանվածությունը այն դեպքում, երբ նրա աշխատանքի արդյունքը գնահատվում է կամայականորեն, ասաց տնօրեն Ա. Թորոսյանը:

Նա ներկայացրեց, որ ուսուցիչները կարող են կազմակերպել online սեմինարներ, որոնց ընթացքում այլ դպրոցների ուսուցիչներին կարող են ներկայացնել չափորոշչային հարցերի միջոցով աշակերտների ուսուցման և գիտելիքների ստուգման իրենց փորձը: Նրանք կարող են իրենց դասերը կազմակերպել նաև <շրջված դասարան> ռազմավարությամբ, որը հեռավար ուսուցման եղանակ է պարունակում:
Այս երկու աշխատանքները ԿՏԱԿ-ին ներկայացնելուց հետո կարող են ստանալ հեռավար դաս և սեմինարաներ կազմակերպելու մասին տեղեկանք, որը կարող է հիմք դառնալ տարակարգ ստանալու համար:
Մյուս կողմից <շրջված դասարան> ռազմավարությամբ աշխատանքները տեսանելի են ծնողին, որովհետև աշակերտը տանը մեծ աշխատանք է կատարում օգտվելով համակարգչից և ծնողը կարծիք է կազմում ուսուցչի, դպրոցի աշխատանքների մասին:

Տնօրենը հայոց լեզվի և գրականության ուսուցիչներին է ներկայացնում <շրջված դասարան> մոդելով մեր դպրոցի ուսուցիչների կողմից համացանցում արդեն տեղադրված նյութերը:

2. <Վիրտուալ կենդանաբանական այգի> խմբակի անձնակազմը Երևանի կենդանաբանական այգում, որպես գիդ

  <Վիրտուալ կենդանաբանական այգի> խմբակը 2011 թ. համագործակցում է Երևանի կենդանաբանական այգու հետ, իսկ  2016թ. խմբակը համալրվել է Երևանի 186, 88 և 197 հիմնական դպրոցների 8 և 9-րդ դասարանի աշակերտներով:
Կենդանաբանական այգու բացման օրը նրանք հանդես եկան որպես գիդ, այցելուներին ներկայացնելով տարբեր կենդանատեսակների` տալով նրանց մասին հետաքրքիր տեղեկություններ:
Խմբակի աշխատանքները տեղադրվում են նաև online տիրույթում, որտեղ աշակերտները շնորհանդեսների, ֆիլմերի և տեքստերի ձևով տեղադրում են հետազոտական աշխատանքներ նախնտրած և հանձնարարված կենդանատեսակի մասին:
  <Վիրտուալ կենդանաբանական այգի> խմբակի ղեկավարը կենսաբանության ուսուցչուհի Մ. Ապրեսյանն է:

3. Ապագա հոգեբանը ճանաչվել է 17.am Հայաստանի պատանի թղթակիցներ ցանցի հանրապետության 100 լավագույն թղթակիցներից մեկը

Հարությունյան Ամալյան թղթակցում է 17.am կայքին և  հանդես է եկել հոգեվերլուծական, զգայական նյութերով` <Կարոտ մի քիչ շատ>,  <Կորցնելու մասին>,
<Գրելու չափ երջանիկ>,  <Կյանքն, ինչպես որ կա>, որն էլ ճանաչվել է լավագույն նյութ և տպագրվել կայքի <Խաբարբզիկ> ամսագրում:

Հարությունյան Ամալյան սովորում է մեր դպրոցի 12-րդ դասարանում