10.10.2017թ. Դպրոցում սկսվել է չափորոշիչային գնահատման գործընթացը, Սեմինար` <Դասալսումներ դասղեկների կողմից>, Ֆակուլտատիվ պարապմունք 11-րդ դասարանի հումանիտար հոսքում, դասը վարում է ԵՊՀ-ի Հայ արվեստի պատմության և տեսության ամբիոնի ասպիրանտ Հ. Հակոբյան

1.Դպրոցում սկսվել է չափորոշիչային գնահատման գործընթացը

Չափորոշիչային գնահատումը ուսումնասիրություն է, որն անցկացվում է 10-12-րդ բոլոր դասարաններում: Ուսումնասիրությունը անցկացվում է բոլոր առարկաներից, որով ստուգվում է նոր դասի մատուցման և յուրացման մակարդակը աշակերտի և ուսուցչի կողմից:
Չափորոշիչային գնահատման այս ձևը նպատակ ունի ուսումնական գործընթացը դարձնել արդյունավետ. ուսուցչին առավել հետևողական, աշակերտին` ուշադիր դասի բոլոր քայլերին: Դասաժամի ընթացքում աշակերտը նոր դասը համարյա սովորած գնում է տուն: Իսկ, թե որքանով է նա յուրացրել նոր դասը որոշվում է չափորոշիչային նվազագույն հարցերի միջոցով: 

Բոլոր 10-րդ դասարաններում սկսվել է չափորոշիչային գնահատումը օրվա յուրաքանչյուր առարկայից: Դասաժամի ավարտի 5 րոպեն տրամադրվում է ստուգելու դասապրոցեսի ընթացքում յուրացրած նյութի մակարդակը: Ձևակերպված հարցերն ակընկալում են հակիրճ պատասխաններ, որով էլ պարզ է դառնում նոր դասի յուրացվածության մակարդակը:

2.Սեմինար` <Դասալսումներ դասղեկների կողմից>
Վարում է Ն. Հովսեփյանը
Մասնակցում են դպրոցի դասղեկները

Դասղեկների և աշակերտների միջև տարվող բոլոր աշխատանքներում կարիք կա նոր և թարմ մոտեցումների: 
Դասղեկի առջև դրված է դասարանի առաջադիմությունը, կարգապահությունը, առողջ փոխհարաբերություններն առհասարակ:

Մշակված են դասղեկի կողմից դասալսման այսօրինակ մոտեցումներ իր ենթակետերով, որն էլ ներկայացվեց դասղեկներին :

1. Ում մոտ լսել դասը
2. Ինչպես պատրաստվել
3. Ինչպես լսել
4. Ինչպես քննարկել

3.Ֆակուլտատիվ պարապմունք 11-րդ դասարանի հումանիտար հոսքում
Դասը վարում է ԵՊՀ-ի Հայ արվեստի պատմության և տեսության ամբիոնի ասպիրանտ Հ. Հակոբյան:
Թեման` Հելլենիստական արվեստը և Հայաստանը
Անդրադարձ ճարտարապետական օրդերներին /ճարտարապետական կարգ/
. Հունական ճարտարապետության տիպերը
. Աթենքի ակրոպոլիսը և կառույցները
. Հելլենիստական քաղաքների կառուցվածքը
. Գառնիի տաճարը և հարակից կառույցները
. Անտիկ քանդակներ /հունական և հայկական քանդակների համեմատություն/

ԵՊՀ-ի Հայ արվեստի պատմության և տեսության 

ամբիոնի ասպիրանտ Հ. Հակոբյան