18.10.2018թ. Այցելություններ «Էրեբունի» թանգարան, Քիմիայի գործնական աշխատանքը 12-րդ դասարանում, Աշակերտական խորհուրդը նախապատրաստվում է ,,Էրեբունի-Երևան 2800,, տոնակատարությանը նվիրված միջոցառման

1. Այցելություններ «Էրեբունի» թանգարան

,,Էրեբունի-Երևան 2800,, տոնակատարության առիթով իրականացվում է 10, 11, 12-րդ դասարանների այցելություններ Էրեբունի թանգարան: 


Երեսուն տարի առաջ սկսվեց ուրարտական հնագույն մշակույթի հրաշալի հուժարձանի դարերի խորքից իր անունը պահպանած Երևան քաղաքի վաղագույն միջուկի՝ Էրեբունի ամրոցի ուսումնասիրություն: Հնագետների համառ աշխատանքն ավարտվեց այս հրաշալի հուշարձանի՝ թանգարանի և վերականգնված ավերակների վերստեղծմամբ:

Բորիս Պիոտրովսկի
14-ը հուլիսի 1970թ., ք. Երևան, Էրեբունի


«Էրեբունի» պատմահնագիտական արգելոց - թանգարանը հիմնադրվել է 1968թ. հոկտեմբերի 19-ին՝ ի նշանավորումն Երևան քաղաքի 2750-րդ տարեդարձի: Թանգարանը ստեղծվել է Երևան քաղաքի վարչական սահմաններում գտնվող երեք նշանավոր հնավայրերի՝ Արին բերդ, Կարմիր բլուր և Շենգավիթ, և այդ հնավայրերից հայտնաբերված նյութական մշակույթի մնացորդների և գտածոների հիման վրա: 
Էրեբունի թանգարանի նախագծի հեղինակներն են ճարտարապետներ՝ Շմավոն Ազատյանն ու Բաղդասար Արզումանյանը, քանդակագործը՝ Արա Հարությունյանը:
Էրեբունի թանգարանի հավաքածուն կազմում են Արին բերդ, Կարմիր բլուր, Շենգավիթ հնավայրերից, ինչպես նաև Հայաստանի տարբեր շրջաններից դիպվածով կամ պարբերաբար իրականացվող պեղումներից հայտնաբերված նախաուրարտական, ուրարտական, աքեմենյան, հելլենիստական և վաղ հայկական ժամանակաշրջաններին վերաբերող ավելի քան 12758 հնագիտական առարկաները՝ խմբավորված 161 հավաքածուներում

10-բ և 11-դ դասարաններ

Դասարաններին ուղեկցում են դասղեկները և փոխտնօրենները

2. Քիմիայի գործնական աշխատանքը 12-րդ դասարանում

Թեման՝ ,,Ծծմբական թթվի արտադրությունը
Նպատակը՝ 
. Ուսումնասիրել ծծմբական թթվի արտադրությունը տեսաֆիլմի միջոցով
. Ամրապնդել տեսականից ստացած գիտելիքները
. Կատարել եզրահանգում

3.Աշակերտական խորհուրդը նախապատրաստվում է  ,,Էրեբունի-Երևան 2800,, տոնակատարությանը նվիրված միջոցառման

Մեզ սպասվում է հաճելի անակնկալ, ինչը աշակերտները չցանկացան մանրամասնել: Իսկ մենք ակնկալում ենք երգ, պար, ասմունք...