01.03.2019թ. Գիտելիքների և կարողությունների ստուգում չափորոշիչային հարցերի հիման վրա /Հայոց լեզու և գրականություն/, Դասալսումներ դասղեկների կողմից ,,Անցած նյութի կրկնության կազմակերպումը,, թեմայով /Հայոց լեզու և գրականություն/, Կինոդիտում՝ ,,Արջամկան օրը,, /կինոդիտումը և ֆիլմի քննարկումը կատարվում են դասղեկի ժամերին/, Առողջ ապրելակերպ առարկայի շրջանակներում Բաց դաս Թեման՝ ,,Ներդաշնակություն,,, Թեմատիկ գրավոր աշխատանք Պատմությունից

1. Գիտելիքների և կարողությունների ստուգում չափորոշիչային հարցերի հիման վրա /Հայոց լեզու և գրականություն/

Շաբաթվա վերջում կատարվում է գիտելիքների և կարողությունների ստուգում չափորոշիչային հարցերի միջոցով. այն կազմվում է շաբաթվա ացած թեմաների հիման վրա: Նախատեսված չափորոշիչային նվազագույն հարցերին աշակերտները պետք է պատասխանեն անթերի:

Անթերի արդյունք ունենալու համար ուսուցիչը լրացուցիչ դասաժամերի ընթացքում աշակերտին պատրաստում է շաբաթվա չափորոշիչային նվազագույն առաջադրանքների ամբողջական կատարմանը:

Գիտելիքների և կարողությունների ստուգման արդյունքում թերացող աշակերտներն այն կվերահանձնեն:

2. Դասալսումներ դասղեկների կողմից ,,Անցած նյութի կրկնության կազմակերպումը,, թեմայով /Հայոց լեզու և գրականություն/

Ուսումնական գործընթացի ուղղությունները մեկ դասաժամի ընթացքում

. Դասալսում դասղեկի կողմից

. Անցածի կրկնություն

. Չափորոշիչային հարցերի ստուգում

Ուսումնական գործընթացն ունի համակարգված հաջորդականություն

Դասալսումներ դասղեկի կողմից
Դասալսման քննարկում, որին մասնակցում են դասավանդող ուսուցիչը, դասղեկը, փոխտնօրենը
Գիտելիքների և կարողությունների ստուգում
Գիտելիքների և կարողությունների ստուգման արդյունքում թերացող աշակերտների կողմից չափորոշիչային նվազագույն մակարդակի առաջադրանքների վերահանձնում
Աշակերտի հետ լրացուցիչ կոնսուլտացիայի կազմակերպում Հանրահաշվի և Երկրաչափության ուսուցչի կողմից

Այս կերպ բանավոր, գրավոր և գործնական աշխատանքների միջոցով կատարվում է հետադարձ կապի գործողությունը, որն ուսումնական գործընթացում ապահովում է վերահսկողություն և ինքնավերահսկողություն:

Դասալսումը քննարկվում է նույն օրը՝ դասավանդող ուսուցչի, դասղեկի, փոխտնօրենի մասնակցությամբ:

Առարկա՝ Հայոց լեզու

Դասարան՝ 10-դ

Դասղեկ՝ Լ. Թորոսյան

Դասավանդող ուսուցիչ՝ Լ. Աբաջյան

3. Կինոդիտում՝ ,,Արջամկան օրը,, /կինոդիտումը և ֆիլմի քննարկումը կատարվում են դասղեկի ժամերին/

Ռեժիսոր՝ Հարոլդ Ռեմիս
Դերերում՝ Բիլ Մյուրեյ, Էնդի Մաքդաուել

Ֆիլմի հերոսը մեծամիտ, ինքնահավան երիտասարդ է, որի կյանքը վերածվել է մղձավանջի: Նրա ամեն հաջորդ օրը նման է նախորդին, բայց նա կարող է ուղղել իր սխալները և լավը դառնալ...

Քննարկումներ

Ինեսա /11-ա/

-Ֆիլմի կարևորագույն նպատակն էր՝ հանդիսատեսին հաղորդել ժամանակի կարևորության անժխտելի փաստը: Ֆիլմը սովորեցնում էր գնահատել մեր հարազատների ու ընկերներին, արժևորել մեզ շրջապատող մարդկանց ու նրանց հետ լավ վարվել: Պետք է ապրել այնպես, որ չափսոսենք զուր վատնած ժամանակի, չարված գործերի համար: Եթե ցանկանում ենք, որ փոխվի իրականությունը դեպի լավը, ապա առաջին հերթին պետք է մենք փոխվենք:

Մագդա /11-ա/
-Ես հասկացա, որ անհրաժեշտ է ճիշտ տնօրինել ժամանակը: Այն պետք է անցկացնել հետաքրքիր, իմաստալի, ոչ թե մտածել կյանքին վերջ տալու մասին: Ամեն օրը յուրովի անցկացնելը իմաստավորում է մարդու կյանքը:

Ժաննա /11-րդ/
Ֆիլմը մի լրագրողի մասին է, ով ամեն տարի մի ռեպորտաժ է պատրաստում նահանգներից մեկի մասին /ԱՄՆ/: Տարօրինակ իրավիճակ է ստեղծվում, երբ տղան ամեն օր նույն կերպ է սկսում և ավարտում օրը: Սկզբում նա ուզում է վերջ տալ կյանքին, սակայն հետո հասկանում է, որ ամեն ինչ կախված է իր տրամադրվածությունից և դեպի լավն է փոխում ոչ միայն իր, այլև շրջապատի կյանքը:

4. Առողջ ապրելակերպ առարկայի շրջանակներում Բաց դաս

Թեման՝ ,,Ներդաշնակություն,,

Մասնակցում են 10-րդ դասարաններից կազմված խմբերը

Դասի ընթացքը

Խմբային աշխատանք- իրավիճակների քննարկում

Իրավիճակ 1

Հասարակություն, ուր բոլորին վերաբերվում են նույն կերպ:

-Ինչպես կզարգանա տվյալ հասարակությունը:

-Կպահպանի արդյոք ներդաշնակությունը: Հիմնավորել:

Իրավիճակ 2

Հասարակություն, ուր բոլորին տրվում է նույն հնարավորությունները:

- Ինչպես կզարգանա տվյալ հասարակությունը:

- Կպահպանվի արդյոք ներդաշնակությունը: Հիմավորել:

Աշակերտները բերեցին հավասարակշռման օրինակներ և ցույց տվեցին այն քայլերը, որով կարելի է հասնել ներդաշնակցության: Նրանք արտահայտեցին սեփական կարծիքները, մտորեցին ներդաշնակության մասին, բերեցին օրինակներ, փորձեցին հասկանալ ներդաշնակցության կարևորությունը հասարակությունում: