20.03.2019թ. Ուսումնական նախագիծ ,,Ինժեներության հրաշքները,, թեմայով /նախագծի հեղինակ՝ դպրոցի տնօրեն Արտաշես Թորոսյան/, Բանավեճի ակումբ, Թեմատիկ գրավոր աշխատանք Հայոց պատմությունից

Ուսումնական նախագիծ ,,Ինժեներության հրաշքները,, թեմայով

/նախագծի հեղինակ՝ դպրոցի տնօրեն Արտաշես Թորոսյան/

Թեմա 1

Մետրո

Նպատակը

• Աշակերտներին ծանոթացնել մետրոյի ստեղծման նպատակներին:
• Աշակերտներին բացատրել մետրոյի կառուցվածքը:
• Աշակերտներին ներկայացնել մետրոյի հետ կապ ունեցող մասնագիտությունները
• Աշակերտներին ներկայացնել այդ մասնագիտությունները տվող համալսարանները

Ընթացքը

1. Մտավոր գրոհի միջոցով աշակերտները ասում են, թե իրենց կարծիքով

• Ինչու՞ է ստեղծվել մետրոն:
• Ի՞նչ կառուցվածք ունի մետրոն:
• Ի՞նչ մասնագետներ են աշխատում մետրոյում:
• Որտե՞ղ պետք է սովորել՝ մետրոյում աշխատելու համար:

2. Աշակերտները դիտեցին Чудеса инженерии: Метро ֆիլմը, որ պատրաստել է Նեյշնլ Ջեոգրաֆիքը:

3. Աշակերտները վերադառնում են մտավոր գրոհի պաստառներին, գրատախտակին և վերանայում են այն:

4. Թեման կամփոփվի մետրոպոլիտեն այցելությամբ

,,Ինժեներության հրաշքները,, թեմայով նախագիծն իրականացվում է դասղեկի ժամերին

1-ին հատված

Ուսուցիչը գրատախտակին գրում է ,,Մետրոպոլիտեն,, բառը:

Մինչ ֆիլմը դիտելը՝ աշակերտները  մտավոր գրոհի միջոցով ասում են այն մասնագիտությունները, որ իրենց կարծիքով կա մետրոպոլիտենում։

Նրանք կարծում էին, որ մետրոպոլիտենում աշխատում են ինժեներ, մեքենավար, համակարգչային մասնագետ, տոմսավաճառ, օպերատոր:

Մետրոյի կառուցվածքը պատկերացնում էին շարժասանդուխքով, վագոնով, պահակակետով:

Նրանց կարծիքով, մետրոյում աշխատելու համար, կրթություն կարելի է ձեռք բերել  Ճարտարապետաշինարարական համալսարանում: Աշակերտներն իրենց պատկերացումներն ասացին նաև մետրոյի նշանակության մասին՝ անվտանգ, արագ, մեծաքանակ տեղափոխություն:

2-րդ հատված

Ֆիլմի դիտում՝ ,,Ինժեներության հրաշքները,, , որը պատրաստել է Նեյշնլ Ջեոգրաֆիքը:

Փաստագրական ֆիլմը պատմում է Լոնդոնի մետրոպոլիտենի մասին. այն հնագույնն է և խոշորագույններից մեկը աշխարհում: Լոնդոնի մետրոն իր աշխատանքը սկսել է 1863 թ. հունվարի 10-ին, ունի 270 կայարան, գծերի երկարությունը՝ 408 կմ է:

3-րդ հատված

Ֆիլմը դիտելուց հետո աշակերտները մասնագիտությունների թվին ավելացրեցին կառավարման կենտրոնի աշխատակից, հոսանքի մասնագետ, ճարտարապետ,  հանքափոր, էկոլոգ, անվտանգության աշխատակիցներ:

Կառուցվածքը՝ մետաղական կոնստրուկցիաներ, ստորգետնյա անցումներ, ստորջրյա ուղիներ:

Նշանակությունը՝ էկոլոգիապես մաքուր, մատչելի փոխադրամիջոց:

Կրթություն ստանալու համար ավելացրեցին Ժողտնտեսության ինստիտուտը և Ագրարային համալսարանի Ճանապարհաշինական ֆակուլտետը:

Աշակերտները ծանոթացան մետրոյի ստեղծման և նշանակության, մասնագիտությունների, համապատասխան կրթության մասին:

Այսպիսով՝ համալրվեցին մետրոյի մասնագիտությունների, համապատասխան կրթություն ստանալու,  կառուցվածքի, նշանակության մասին գիտելիքները, որը կարող է ուղղորդել աշակերտներին նաև մասնագիտական կողմնորոշման մեջ:

10-ա դասարան, դասղեկ՝ Գ. Գևորգյան

2. Բանավեճի ակումբ 

Հանդիպումը տեղի ունեցավ 78 դպրոցում: Դպրոցի թիմը բանավիճեց 184 ավագ դպրոցի թիմի հետ:

Թեման՝
,,Պետությունը պետք է ֆինանսավորի երիտասարդական կուսակցություններին,,

Մասնակիցներ 
Կարապետյան Ժենյա  10-ա
Կարապետյան Լուիզա 11-ա
Ոսկանյան Արփինե       11-ա
Գրիգորյան Գոհար        11-ա
Առուստամյան Արմեն  11-բ

Բանավեճի ձևաչափի սկզբունքներն են՝
1. Խոսնակները պետք է իրենց կարծիքներն արտահայտեն նախատեսված ժամանակահատվածում
2. Ելույթների կառուցվածքն ակնկալում է՝ պնդում-փաստ- փաստարկում- եզրակացություն
3. Հարցերը պետք է բխեն հակառակ թիմի կառուցողական ելույթներից

Վիճակահանությամբ մեր դպրոցի թիմը հանդես եկավ ,,դեմ,, դիրքորոշմամբ

Պնդում՝

-Պետությունը չպետք է ֆինանսավերի երիտասարդական կուսակցություններին, քանի որ հարկատու քաղաքացին պարտավոր չէ ֆինանսապես աջակցել այն կուսակցությանը, որին չի հարում կամ հավակնում:

Մասնակիցները ստացան պատվոգրեր  ,,Երիտասարդությունը ներգրավված հասարակության մեջ,, ծրագրի շրջանակներում Բանավեճի միջդպրոցական մրցաշարին ակտիվ մասնակցություն ցուցաբերելու համար /կազմակերպիչ՝ Ջինիշյան հիմնադրամ/: Ծրագիրն իրականացրեց պատմության ուսուցիչ՝ Ա. Նիազյանը:

Մասնակիցների կարծիքները

Ոսկանյան Արփինե 11-ա դաս.

- Թեման իրականում բարդ էր և քիչ քննարկվող: Խաղի սկզբում ունեի այլ պատկերացումներ, սակայն մթնոլորտը կտրուկ փոխվեց, երբ սկսեցինք բանավիճել: Բանավեճն ընթանում էր բուռն քննարկումներով. թե մենք, թե հակառակորդ թիմը անկոտրուն առաջ էր տանում իր դիրքորոշումը: Հաճելի էր, երբ բոլորը տեղեկացված էին: Պատրաստվում եմ մասնակցել մյուս բոլոր խաղերին

Կարապետյան Լուիզա 11-ա դաս.

- Բանավեճից առաջ թիմի անդամներով շատ էինք լարվում և անհանգստանում, սակայն խաղը սկսելուց անմիջապես հետո մոռացանք լարվածության մասին: Այս աշխատանքում իր մեծ ներդրումն ուներ նաև մեր պատմության ուսուցիչ ընկ. Նիազյանը: Ամեն խաղից հետո մենք ձեռք ենք բերում թեմային առընչվող գիտելիքներ: Շատ եմ սիրում բանավիճել, այն ինձ համար սկսում է դառնալ նախասիրություն:

Թեմատիկ գրավոր աշխատանք Հայոց պատմությունից

Մասնակցում են 10, 11-րդ դասարանները