02.04.2019թ ,,Կարստային միջավայրերի պաշտպանություն,, /նախագիծը կազմակերպել է ՅՈՒՆԵՍԿՕ-ն/, ,,ՏՀՏ-ի կիրառումը ավագ դպրոցներում,, նախագիծ, Դասալսումներ դասղեկների կողմից Պատմության դասաժամերին ,,Անցած նյութի կրկնության կազմակերպումը,, թեմայով

,,Կարստային միջավայրերի պաշտպանություն,,
Նախագիծը կազմակերպել է ՅՈՒՆԵՍԿՕ-ն

,,Կարստային միջավայրերի պաշտպանություն,, նախագիծը մրցութային է, որն իրականացնում է դպրոցի տնօրեն Ա. Թորոսյանը: Մասնակցում են ֆիզմաթ և կենսաքիմիա հոսքերի աշակերտները:
Ծրագրի շրջանակներում աշակերտները պետք է պատրաստեն սահիկաշարեր  PowerPoint ծրագրով:
Աշակերտները ձևավորեցին 2 խումբ

Հանձնարարվեց՝
Առաաջին խումբ
- Ուսումնասիրել կարստ հասկացությունը և կարստային քարանձավները

Երկրորդ խումբ
- Հայաստանի կարստային քարանձավներն ու միջավայրերը

Աշխատանքներն ընթանալու են փուլերով, որի ընթացքում աշակերտները կստեղծեն տեսաբացատրություններ և դրանց վրա կավելացնեն ինտերակտիվ առաջադրանքներ:
Հանդիպումը կայանալու է սահմանված օրերին, նախատեսված է պրեզենտացիաներն ավարտել մինչև ապրիլի 30-ը:

Աշխատանքներն ուղղորդում է ֆիզիկայի ուսուցիչ Լ. Թորոսյանը

,,ՏՀՏ-ի կիրառումը ավագ դպրոցներում,, նախագիծ

Դասընթացներն անցկացվում են Յունիկոմպ, ՎիՎա Սել, Սինոփսիս ընկերությունների կողմից:
նպատակն է աշակերտներին տալ առավելագույն գիտելիքներ և հմտություններ տեղեկատվական տեխնոլոգիաներից, հեռահաղորդակցումից, միկրոէլեկտրոնիկայից:
Առաջիկայում դպրոցը կհյուրընկալի Սինոփսիս ընկերության աշխատակիցներին:
Նախատեսված է հանդիպում աշակերտների հետ,  որի ընթացքում կծանոթանան նրանց նախասիրություններին, գիտելիքներին։ Ընդհանուր պատկերացում ձեռք բերելու արդյունքում՝ Սինոփսիսի աշխատակիցները կմշակեն ծրագիր, որով կվերապատրասվտեն դպրոցի ուսուցիչները։

Աշակերտները նախապատրաստում են ինտեգրալ սխեմաների նախագծմանը, ծանոթացնում է միկրոէլեկտրոնիկայի հետ 

Ուսուցիչն աշակերտներին  ծանոթացնում է միկրոէլեկտրոնիկայի հետ, որը միկրոսխեմաների, ինտեգրալ սխեմաների մասին գիտություն է. աշակերտներին հանձնարարվեց ուսումնասիրել այն:

Պրեզենտացիան ներկայացնում է միկրոէլեկտրոնիկան, որը ինֆորմատիկայի ուսւցիչ Ա. Մելքումյանը  պատրաստել է նյութն ամբողջական ներկայացնելու համար:

Դասալսումներ դասղեկների կողմից Պատմության դասաժամերին
,,Անցած նյութի կրկնության կազմակերպումը,, թեմայով


Այս ուսումնական գործընթացը նաև ուսումնասիրություն է, երբ պարզ է դառնում ուսուցման արդյունավետությունը, մոտեցումները։


Ուսումնական գործընթացի հաջորդականությունը

• Դասալսումներ դասղեկի կողմից
• Դասալսման քննարկում, որին մասնակցում են դասավանդող ուսուցիչը, դասղեկը, փոխտնօրենը
• Գիտելիքների և կարողությունների ստուգում 
• Գիտելիքների և կարողությունների ստուգման արդյունքում թերացող աշակերտների կողմից չափորոշիչային նվազագույն մակարդակի առաջադրանքների վերահանձնում 
• Աշակերտի հետ լրացուցիչ կոնսուլտացիայի կազմակերպում Պատմության ուսուցչի կողմից

 Այս կերպ, բանավոր, գրավոր և գործնական աշխատանքների միջոցով  կատարվում է

է  հետադարձ կապի գործողությունը, որն ուսումնական գործընթացում ապահովում է վերահսկողություն և ինքնավերահսկողություն: