ԵՐԵՎԱՆԻ ԹԻՎ 198 ԱՎԱԳ ԴՊՐՈՑ

«Նարեկացի» արվեստի միությունում տեղի ունեցավ ՆԱՄ «Եղեգնյա գրչով» -2026 մանուկների և պատանիների գրական ստեղծագործությունների երկրորդ մրցույթը: «Եղեգնյա գրչով» -2026 գրական մրցույթին իրենց ստեղծագործություններն էին ներկայացրել Երևանի, Կոտայքի, Շիրակի, Լոռու, Արմավիրի, Տավուշի և Գեղարքունիքի մարզերի դպրոցականները: Ներկա էին նաև մեր դպրոցի աշակերտները՝ Հայոց լեզվի և գրականության ուսուցիչներ Ա․ Մելիքյանի և Դ․ Գևորգյանի ուղեկցությամբ։ Մասնակիցներին ողջունեցին ՆԱՄ «Ռոտոնդա» ներառական թատերախմբի սաները։ Մրցանակաբաշխության ժամանակ Սուրեն Քոչարյանի անվան պոեզիայի թատրոնի և Գ. Սունդուկյանի անվան ազգային ակադեմիական թատրոնի դերասաններ ՀՀ վաստակավոր արտիստ Սամվել Բաղինյանն ու Ռուզաննա Հախնազարյանը ընթերցեցին մրցույթի դափնեկիրների ստեղծագործություններից: Երիտասարդ գրողները հիացրեցին և հուզեցին ժյուրիի անդամներին ու միջոցառման հյուրերին իրենց տաղանդով, գեղարվեստական և իրենց տարիքին ոչ համապատասխան խորը փիլիսոփայական մտածողությամբ։ Մեզ համար առանձնակի հպարտություն էր, որ մեր աշակերտուհի Զարինեն արժան...