ԵՐԵՎԱՆԻ ԹԻՎ 198 ԱՎԱԳ ԴՊՐՈՑ

Շարունակվում են Մայրենի լեզվի միջազգային օրվան նվիրված միջոցառումները: Մինչ առաջադրված թեմաներով շարադրություններ գրելը, աշակերտները դիտեցին սահիկաշար` նվիրված Մայրենի լեզվի միջազգային օրվան, դիտեցին Դավիթ Գյուրջինյանի ,, Կարճ կարևորի մասին,, նյութը: Երկրորդ հատվածում աշակերտները գրեցին նախընտրելի թեմայով շարադրություն: Առաջադրված թեմաներն են`  ,, Հայոց այբուբենի երեսունվեց զինվորները ,, ,, Խորհում են հայոց տառերը ,, ,, Մեր այբուբենի մատյան գունդը ,, Մասնակցում էին 10-12 դասարանների աշակերտները Միջոցառումը կազմակերպել էր Հայոց լեզվի և գրականության մեթոդական միավորումը:  

Մասնագիտական կողմնորոշում դասընթացը վարում է ԵՊՀ- ի Տնտեսագիտության և կառավարման ֆակուլտետի դասախոս Հասմիկ Գալստյանը: Դասախոսությունը անչափ հետաքրքրական էր և այն տևեց նախատեսված ժամանակից ավելի: Դասախոսը ներկայացրեց ֆակուլտետը և այն գիտելիքներն ու հնարավորությունները, որը տալիս է բուհը:   Խոսվեց նաև այն աշխատանքների և աշխատատեղերի մասին, երբ Ֆակուլտետն ավարտելուց հետո կարող են աշխատել շրջանավարտները` պետական և մասնավոր ձեռնարկություններ, առևտրային բանկեր, ՀՀ նախարարություններում և գերատեսչություններում մասնագետներ և այլն:  Ֆակուլտետում դասավանդում են առաջատար մասնագետներ: Մեր շնորհակալությունն ենք հայտնում ԵՊՀ-ի դասախոսական կազմին, նման հետաքրքիր և ուսանելի դասընթացներ վարելու համար:  

Այսօր մեր հյուրն էր ՀՀ ԱԻՆ փրկարար ծառայության հոգեբանական աջակցության         բաժնի հոգեբանը:  Դժվարին իրավիճակներում համապատասխան հոգեբանական խորհրդատվության, հուզական աջակցության ցուցաբերման նպատակով  «911» ծառայության Կենտրոնական ահազանգման կենտրոնում բացվեց նոր շուրջօրյա անվճար հեռախոսային հոգեբանական խորհրդատվական ծառայություն: Գլխավոր նպատակն էր բնակիչներին հուզական աջակցության ցուցաբերումը և հոգեբանական խորհրդատվության տրամադրումը: Հոգեբանական աջակցության բաժնի հոգեբանը ներկայացրեց ծառայության աշխատանքը և այն բոլոր իրավիճակները, որոնք կարող են դառնալ ողբերգության պատճառ: Զրույցը հետաքրքրեց սովորողներին, նրանք իրենց հետաքրքրող հարցերի պատասխանները ստացան հոգեբանից:  

Մասնագիտական կողմնորոշում Հայաստանի գիտության և տեխնոլոգիաների FAST հիմնադրամը և ,,Հեռանկարայի լուծումների կենտրոն,,  ծրագիրը կազմակերպել էին այցելություն ԵՊՀ-ի Կենսաբանության ֆակուլտետի լաբորատորիա: Լաբորատորիայի աշխատակիցները ներկայացրեցին  FAST-ի աջակցությամբ տրամադրված նորագույն սարքավորումները և իրականացվող նորարարական փորձարկումները, որոնց նպատակն է թափոն հանդիսացող սննդային մնացորդներից ստանալ արժեքավոր նյութեր, օրինակ` կենսագազ /ջրածին/: Փորձերը իրականացվում են միկրոօրգանիզմների շտամի վրա:

,,ԱԲ սերունդ,, դպրոցական ծրագիր Արհեստական բանականություն դպրոցական նախագծի շրջանակում դպրոցում անցկացվեց օլիմպիադա Մաթեմատիկա առարկայից: Մասնակցում էր 10-րդ դասարանի ֆիզմաթ հոսքը: Հաղթողները կպարգևատրվեն:  

 ,,Աշակերտական ինքնակառավարման ֆորում,, նախագծի շրջանակում կայացած միջոցառումը նվիրված էր ԵՊՀ  ուսանողական խորհրդի 30 ամյակին։ Մասնակցում էին ՀՀ գրեթե բոլոր դպրոցներից շուրջ 800 հոգի։ Ֆորումի նպատակն է դասընթացների եւ խմբային քննարկումների միջոցով բարձրացնել Աշակերտական խորհրդի դերն ու նշանակությունը։ Սա առանձնահատուկ ծրագիր է, որը միտված է աշակերտական խորհուրդների կարողությունների զարգացմանը եւ աշակերտական ինքնակառավարման իրացմանը։ Ֆորումին մասնակցեց նաեւ մեր դպրոցը 

   Միջոցառում նվիրված Հայոց բանակի 32 -րդ տարելիցին Դպրոցում նշվեց Հայոց բանակի օրվան նվիրված միջոցառում,որին մասնակցում էին դպրոցի 10, 11, 12-րդ դասարանների աշակերտները: Ներկա էին մանկավարժական և աշակերտական կազմը:  Աշկերտները հանդես եկան ասմունքվ, երգով, պարով, ցուցադրվեց ֆիլմ՝ նվիրված Արցախյան երեք պատերազմներին ընթացքում նահատակված մեր դպրոցի շրջանավարտներին: Միջոցառումը հայի մարտական ոգու, անվերջ պայքարելու և արարելու կամքի ու անսասան հավատի մասին էր: Պետության անվտանգության պահպանման երաշխիքը ազգային բանակի ստեղծումն  էր,  որն իրականություն դարձավ 20-րդ դարի վերջին` 1992թ. հունվարի 28-ին , իսկ  բանակի ակունքներում կանգնած էր 1990 թ. սեպտեմբերին կազմավորված Երևանի հատուկ գունդը և Արարատի, Գորիսի, Վարդենիսի, Իջևանի և Մեղրու ինքնապաշտպանական վաշտերը: Ազգային բանակի ստեղծումը դարձավ մեր ապրելու երաշխիքը: Բանակը ստեղծվեց և անցավ կայացման դժվարություններով. գործին նվիրվեց հայ ազգի սերուցքը, որն էլ իր արյունով գրեց մեր պատմության դժվարին էջերից մեկը: ...

Բանակի օրվան նվիրված դաս-հանդիպում ՀՀ ՊՆ Կապի զորքերի ավագ սպա, փոխգնդապետ Ա. Պողոսյանի հետ:  Դասը հայրենասիրության, հայրենիքը պաշտպանելու, սխրանքների մասին էր, որով լեցուն է մեր պատմությունը: Չկա ավելի վեհ զգացողություն, քան սերն ու նվիրումը հայրենիքի հանդեպ, առանց որի անհատը չունի ինքնություն:  Զինվորականը խոսեց  ինքնության պահպանման, զինվորական կրթություն ստանալու և հետագայում ռազմական գաղտնիքներին տիրապետելու մասին:  Ներկա էին 10, 11-րդ դասարանների աշակերտները, ովքեր իրենց հետաքրքրող հարցերն ուղղեցին պրն. Պողոսյանին