Գիտության համաշխարհային օրը:

Նոյեմբերի 10-ը գիտության համաշխարհային օրն է: Երևանի 198 ավագ դպրոցում կազմակերպվեց EXPO ցուցահանդես, որին ներկա էին ԾԽ անդամներ, ուսուցիչներ, դասղեկներ, Նոր Նորք վարչական շրջանի կրթության  բաժնի աշխատակից Մ. Խուրշուդյանը: Տնօրեն Ա. Թորոսյանը ողջունեց  ներկաներին, ներկայացրեց կազմակերպիչներին, խրախուսեց մասնակից երեխաներին: Երեխաները  UNESCO տոնացույցով  նշվող  գիտւթյան համաշխարհային  օրվա  առթիվ  պոստեռներ  և բուկլետներ էին պատրաստել. պատրաստած պոստեռներով ցույց տալու գիտության  նշված  բնագավառի ( քիմիա, ֆիզիկա, հասարակագիտություն, գենետիկա, մանրէաբանություն, ռոբոտաշինություն) նվաճումները  վերջին տարիներին, իսկ  բուկլետներով  իրենց  թեման  հասանելի դարձնելով մասնակիցներին և հետաքրքրվող այլ անձանց: Հյուրերը շրջեցին և ստացան իրենց հուզող հարցերի պատասխանները և իրենց գոհունակությունը հայտնեցին  երեխաներին իրենց պատրաստվածության  համար:
Նոյեմբերի 14-ին նույն ցուցահանդեսը կազմակերպվեց Նոր Նորք վարչական շրջանի վարչական շենքում: Մասնակցում էին վարչական շրջանի պատասխանատուները: