Արի տուն

      16.05.2016թ

      Այսօր  դպրոց էին այցելել Նոր  Նորքի  թաղապետարանի աշխատակիցներ, ովքեր հրավիրված ծնողներին ներկայացրեցին <<Արի տուն>>  ծրագրի  նպատակը, պահանջները:

      Ծրագիրը մեկնարկում է հունիսի 12-ին և շարունակվում մինչև օգոստոսի 27-ը: Նպատակն է` աշխարհասփյուռ  հայ երիտասարդներին ճանաչելի  դարձնել Հայաստան-հայրենիքը, նրանց մեջ սերմանել ազգային ինքնության գիտակցություն,

ծանոթացնել իր ժողովրդի ավանդույթներին ու սովորույթներին, հայ ընտանիքին:

Ծրագիրը ունի 8 փուլ /յուրաքանչյուր փուլը  14 օր է, որից 9 օրը երեխան անց է կացնում հյուրընկալվող ընտանիքում, 4 օրը` ճամբարում/:  Ծրագրին մասնակցում են 13-18 տարեկան  երիտասարդներ, ովքեր նախկինում չեն մասնակցել <<Արի տուն>> ծրագրին:  Պտույտների ժամանակ նրանց ուղեկցում է բժիշկը և ոստիկանական անձնակազմը:

           

Նոր Նորք վաչական  շրջանի ղեկավարի աշխատակազմի սոցիալական  ապահովության,  առողջապահության ծրագրերի բաժնի I  կարգի մասնագետներ Նարինե Խաչատրյանը և Նելլի Մանուկյանը ծնողներին ներկայացնում են ծրագրի կարգը

    Հյուրընկալվող ընտանիքը պետք է  լինի բարեկեցիկ` կենցաղային անհրաժեշտ պայմաններով, ունենա հյուրընկալվող սփյուռքահայ  երիտասարդին հասակակից և նույն սեռի ընտանիքի անդամ:

   Հյուրընկալության 9 օրերի ընթացքում  պատանին  կամ աղջիկը  պետք է ապրի
 ջերմ, ապահով , առողջ մթնոլորտում, նրա ննջասենյակը  պետք է լինի առանձին:         Հայտադիմումը պետք է լրացնի ընտանիքի չափահաս  անդամներից մեկը և ներկայացնի  ՀՀ սփյուռքի նախարարություն կամ համապատասխան վարչական շրջանի <<Արի տուն>>  ծրագրի պատասխանատուին: