Սովորողների ընդհանուր ժողով

Սովորողների ընդհանուր ժողով

Օրակարգում՝

1․ Աշակերտական խորհրդի թվակազմը

2․ Աշակերտական խորհրդի ձևավորման աշխատանքները համակարգող աշխատանքային խմբի կազմը (այսուհետ` ընտրական հանձնախումբ) հաստատելու վերաբերյալ

3․ Սովորողների ինքնավարության մարմնի կանոնադրությունը և դրանում կատարված փոփոխությունները

4․ Տնօրենի ամենամյա ծրագրային ուղերձը

5․ ՈՒսումնական տարվա ընթացքում արտադասարանական և արտադպրոցական աշխատանքների կազմակերպում

6․ Կանոնադրությամբ իր լիազորությունների սահմաններում նախատեսված հարցեր, որոնց կատարումը պարտադիր է աշակերտական խորհրդի համար

Սովորողների ընդհանուր ժողովը հրավիրվում է տարեկան երկու անգամից ոչ պակաս՝ աշակերտական խորհրդի կողմից: Արտահերթ ժողով կարող է հրավիրվել աշակերտական խորհրդի անդամների 1/3-ի պահանջով կամ հաստատության տնօրենի նախաձեռնությամբ:

                                                                                                                                       Սովորողների ընդհանուր ժողովը  վարեց դպրոցի տնօրեն Ս․ Խաչատրյանը։ Նա ներկայացրեց օրակարգը, ողջունեց 10-րդ դասարանցիներին, նրանց համար մանրամասնեց աշխորհրդի գործունեությունը, ներկայացրեց այն հետաքրքիր և պատասխանատու աշխատանքը, որով զբաղվում է մեր դպրոցի աշխորհուրդը։ Խոսեց նաև տարաբնույթ միջոցառումների ժամանակ նրանց մասնակցության և անելիքների մասին։

 Ժողովի 2-րդ հատվածում տնօրենի տեղակալ Մ․ Ապրեսյանը մանրամասնեց հետեւյալ  հարցերը և անելիքները

1․Աշակերտական խորհրդի նախագահի ընտրությունները նշված ժամանակահատվածում

2․ Նախընտրական ծրագրի կազմում և ներկայացում

3․ Աշակերտական խորհրդի ներգրավվածությունը դպրոցական առօրյայում

4․ ներդպրոցական միջոցառումներին մասնակցությունն ըստ տարեկան պլանի

5․ Էքսկուրսիաների կազմակերպում /հատկապես ճանաչողական բնույթի/, այցելություններ կինոթատրոններ, թատրոննր, թանգարաններ

   

Ծանոթացրեց Աշակերտական խորհրդի նախագահի ընտրության ընթացակարգին, խոսեց նախընտրական ծրագրի կազմելու, պլանավորելու մասին, որն իրապես հնարավոր կլինի իրագործել։

Նախընտրական ծրագրերը նույնպես կտեղադրվեն  դպրոցի կայքում և ֆեյսբուքյան հարթակում։