2015-2016 ուստարում 198 ավագ դպրոցում կազմակերպվել է կենդանաբանության
և բուսաբանության խմբակ: Խմբակի կազմում ընդգրկված
են աշակերտներ 9-րդ և 10-րդ դասարաններից: Խմբակի նպատակն է՝
ա. խորացնել բուսաբանությունից
և կենդանաբանությունից սովորողների ունեցած գիտելիքները,
բ. նպաստել երեխաների մասնագիտական կողմնորոշմանը,
գ. զարգացնել ինքնուրույն հետազոտական աշխատանք կատարելու
հմտություններ և կարողություններ,
դ. Էքսկուրսիաներ, թանգարաններ այցերի միջոցով նպաստել տեսական
գիտելիքների գործնականորեն ամրապնդմանը:
Խմբակի շրջանակներում
երեխաները ծանոթացել են խմբակի ծրագրին, ներկայացրել են բույսերի ու կենդանիների դերն
ու նշանակությունը բնության մեջ և մարդու կյանքում:
Սովորողներն
ուսումնասիրել են նաև աշխարհի լավագույն կենդանաբանական այգիները, քննարկել նրանց նշանակությունը:
Առաջիկայում պլանավորվում է այցելություն Երևանի Կենդանաբանական այգի, որտեղ նրանց
համար կկազմակերվի էքսկուրսիա այգու տարածքով, ինչպես նաև այգու կենդանաբանները կպատասխանեն
երեխաներին հետաքրքրող հարցերին:
Comments
Post a Comment