Մրցույթ՝ Գիրք նվիրելու օրվա շրջանակում:

Մրցույթ՝ Գիրք նվիրելու օրվա շրջանակում

 

ՀՀ կրթության, գիտության, մշակույթի և սպորտի նախարարությունը Գիրք նվիրելու օրվա կապակցությամբ (փետրվարի 19-ի) 10-րդ, 11-րդ և 12-րդ դասարանների աշակերտների համար հայտարարում է մրցույթ:

 

Մրցույթի նպատակն է բարձր դասարանների աշակերտների շրջանում խրախուսել ընթերցանությունը, հանրահռչակել հայ և համաշխարհային գրողներին, նրանց ստեղծագործությունները, հետաքրքրություն սերմանել գրքի ու գրականության նկատմամբ:

 

Մրցույթի պայմաններն են.

Ø  Փետրվարի 10-ից 19-ը՝ յուրաքանչյուր օր՝ ժամը 20:00-ին, ԿԳՄՍ նախարարության ֆեսյբուքյան էջում կտեղադրվեն հայ և համաշխարհային գրականությունից հատվածներ (օրական մեկ հրապարակում):

Ø  Այն աշակերտը, ով մրցութային հրապարակման մեկնաբանությունների հատվածում առաջինը ճիշտ կպատասխանի «Ո՞վ է հեղինակը, և ո՞ր ստեղծագործությունից է մեջբերումը» հարցերին, կհամարվի «օրվա հաղթողը»: 

Ø  Պատասխանում աշակերտը պետք է նշի նաև դպրոցի հասցեն (մարզը, քաղաքը/գյուղը, դպրոցի համարը, դասարանը):

 

ԿԳՄՍ նախարարությունը հորդորում է. այն աշակերտները, որոնք չեն հասցնի առաջինը պատասխանել, այդուհանդերձ չխուսափեն իրենց պատասխանները հրապարակելուց:

 

Ամփոփելով մրցույթը՝ ԿԳՄՍ նախարարություն կհրավիրվեն հրապարակումներին առաջինը պատասխանած 10 աշակերտները՝ արժանանալով խրախուսական պարգևների:

 

ՀՀ ԿԳՄՍ ՆԱԽԱՐԱՐՈՒԹՅԱՆ ՀԱՍԱՐԱԿԱՅՆՈՒԹՅԱՆ ՀԵՏ

ԿԱՊԵՐԻ ԵՎ ՏԵՂԵԿԱՏՎՈՒԹՅԱՆ ՎԱՐՉՈՒԹՅՈՒՆ