05.03.2019թ. Ձեռնարկատիրական մտածելակերպը դպրոցից /Beeline-ն ամփոփել է 5 դպրոցներում իրականացված ծրագրի արդյունքները/, Այցելություն Խաչատուր Աբովյանի տուն-թանգարան, Դասը վարում է ոստիկանը, Թեմատիկ գրավոր աշխատանք Հայոց պատմությունից

1. Ձեռնարկատիրական մտածելակերպը դպրոցից /Beeline-ն ամփոփել է 5 դպրոցներում իրականացված ծրագրի արդյունքները/

Beeline-ը և Գործատուների հանրապետական միությունը ամփոփում են դպրոցներում բիզնես մտածելակերպի զարգացմանն ուղղված ծրագիրը: Նպատակը՝ երիտասարդներին օգնել աշխատանք գտնել Հայաստանում:

Հայաստանի 5 դպրոցների ուսուցիչների ու աշակերտների համար, որոնցից է նաև մեր դպրոցը, կազմակերպվել են գործատուների հետ հանդիպումներ, կլոր սեղան-քննարկումներ, սեմինարներ:

Ծրագրի շնորհիվ աշակերտները տեղեկատվական տեխնոլոգիաների ու ճարտարագիտության ոլորտում ստացել են նոր գիտելիքներ, ընդլայնել են իրենց պատկերացումները տնտեսության զարգացման և իրենց կարիերայի պլանավորման վերաբերյալ:

Հանդիպմանը ներկա էին դպրոցի տնօրեն Ա. Թորոսյանը, ուսուցիչներ, աշակերտներ

2. Այցելություն Խաչատուր Աբովյանի տուն-թանգարան

Այցելությունները կատարվում են Դասղեկի ժամի շրջանակներում:

Խաչատուր Աբովյանի մահվան 90-ամյակի առիթով որոշվում է գրողի տունը Քանաքեռում վերակառուցել և դարձնել նրա կյանքն ու գործունեությունը ցուցադրող թանգարան:

Այստեղ ցուցադրված են Աբովյանի ձեռագրերը և նրա միակ դիմանկարը, որոնք թանգարանին են հանձնել գրողի ժառանգները. այն նկարել է մերձբալթյան նկարիչ Մայդելը:

Հիմնանորոգումից հետո ցուցադրությունը համալրվել է մեծ հետաքրքրություն ներկայացնող վավերագրերով, որը բաղկացած է 12 բաժիններից՝ սկսած ծննդավայր Քանաքեռից, Էջմիածնում, Ներսիսյան դպրոցում, Դորպատում ուսումնառության տարիներից, 1826-1828 թթ. ռուս-պարսկական պատերազմի պատմությունից, Արարատ լեռը բարձրանալու գրական բանահավաքական գործունեությունից մինչև ,,Անհայտ բացակայությունը,,:

Աշակերտները Խաչատուր Աբովյանի տուն-թանգարանում

10, 11-րդ դասարաններ

3. Դասը վարում է ոստիկանը

ՀՀ հանրակրթական ուսումնական հաստատություններում մարտի 4-ից մինչև ապրիլի 4-ը կանցկացվեն զրույց-հանդիպումներ ոստիկանի հետ: Զրույցը նպատակ ունի բացառելու անչափահասների կողմից սուր կտրող-ծակող գործիքների, կռփազենքերի, մահակների և նմանատիպ այլ իրերի կրման և դրանց գործադրմամբ մարմնական վնասվածքներ հասցնելու, առողջությանը վնաս պատճառելու դեպքերը: