22.03.2019թ. Այցելություն Մարտիրոս Սարյանի տուն-թանգարան, Մասնագիտական կողմնորոշում /դասընթացը վարում է МИРЭА- Ռուսաստանի տեխնոլոգիական համալսարանի միջազգային կապերի համակարգող Դ. Գալուստովը/, Թեմատիկ գրավոր աշխատանք Համաշխարհային պատմությունից, Ձեռքի ուժի մրցույթ

1. Այցելություն Մարտիրոս Սարյանի տուն-թանգարան

ՀՀ կրթության և գիտության նախարարությունը 2019 թվականին կազմակերպում է Համահայկական 9-րդ մանկապատանեկան նկարչական մրցույթ-փառատոնը՝ ,,Իմ Սարյանը,, խորագրով: Փառատոնը նվիրված է 20-րդ դարի մեծագույն նկարիչներից մեկի, հայ նկարչության արդի դպրոցի հիմնադիր Մարտիրոս Սարյանին:

Մրցույթ-փառատոնի շրջանակներում 10, 11, 12-րդ դասարաններում կազմակերպվում են այցելություններ նկարչի տուն-թանգարան, որն իրականացվում է դասղեկի ժամի շրջանակներում:
Աշակերտները ծանոթացան երկհարկանի առանձնատանը, ուր նկարիչն ապրել և ստեղծագործել է 1932-1972թթ.: Նրանք շրջեցին եռահարկ պատկերասրահով. այն կառուցվել է այդ տանը կից 1967 թ. -ին, որի հատակագծի հեղինակը ճարտարապետ Ալեքսանդր Թամանյանն է դիտեցին մեծագույն նկարչի վրձնին պատկանող նկարները:

10-րդ դասարան, դասղեկ՝ Գ. Գևորգյան

2. Մասնագիտական կողմնորոշում /դասընթացը վարում է МИРЭА- Ռուսաստանի տեխնոլոգիական համալսարանի միջազգային կապերի համակարգող Դ. Գալուստովը/

Աշխատակիցը ներկայացրեց ԲՈՒՀ-ի աշխատանքը, գործունեությունը, կրթական ասպարեզում նվաճումները:

Աշակերտները ծանոթացան համալսարանի ֆակուլտետներին և մասնագիտություններին, դիտեցին տեսաֆիլմ, որով ուսանողները ներկայացրեցին իրենց առօրյան, կրթական ձեռքբերումները, նորարարությունները:

Այս տարվա փետրվարից Շիրակի պետական համալսարանի և ՌԴ տեխնոլոգիական համալսարանի /Մոսկվա/ միջև կնքվել է երկկողմ համաձայնագիր: Դրանով նախատեսվում է հիմնել և զարգացնել համագործակցություն կրթության և գիտության ոլորտներում, ինչը կնպաստի փորձի և բաց տեղեկատվությանը, պրոֆեսորադասախոսական կազմի և ուսանողության փոխանակմանը, վերապատրաստման և որակավորման բարձրացման դասընթացների կազմակերպմանը և անցկացմանը: