04.02.2019թ. Մեր դպրոցը մասնակցում է < Տեխնովացիա Հայաստան 2019> ծրագրին, Դասալսումներ դասղեկների կողմից, Շաշկու ներդպրոցական առաջնության

1. Մեր դպրոցը մասնակցում է < Տեխնովացիա Հայաստան 2019> ծրագրին

Այն բջջային հավելվածների մրցույթ է, որին կմասնակցեն Հայաստանի բոլոր մարզերի դպրոցներից աղջիկներ և ուսուցիչներ:

Պետք է պատրաստ լինել ստանալու 21-րդ դարին համահունչ տեխնոլոգիական ձեռներեցության նոր գիտելիքներ ու հմտություններ: Թիմերը կստեղծեն հավելվածները Մասաչուսեթսի տեխնոլոգիական ինստիտուտի կողմից մշակված
App Inventor ծրագրով։
,,Technovation,, ծրագրով նախատեսվում է 12 շաբաթյա ուսուցում, որի ընթացքում աշակերտուհիները կսովորեն իրենց համայնքում բացահայտել, վեր հանել որևէ սոցիալական խնդիր ու ստեղծել բջջային հավելված՝ հիմնահարցին լուծում տալու համար։

Միջին և ավագ դպրոցների ուսուցիչներին, աշակերտուհիներին կուսուցանվի ուսումնական ծրագիր, որը հասանելի է մասնակիցներին առցանց ձևաչափով։ Ծրագրի լեզուն անգլերենն է։

Ծրագիրը կազմված է 4 մասից`
1. կոդավորում(coding)
2. բիզնես (business)
3. մարկետինգ (marketing)
4. ներկայացում (pitching)
Մասնակիցներին աջակցելու համար կանցկացվեն դասընթացներ հայերեն լեզվով և կտրամադրվեն նաև հայերեն ուսումնական նյութեր: Հեռավոր մարզերի ուսուցիչները և աշակերտուհիները կստանան հայերեն լեզվով հեռավար խորհրդատվություն: Թիմերը բաղկացած կլինեն առավելագույնը հինգ հոգուց, կձևավորեն «ավագ» կամ «կրտսեր» խմբեր ըստ տարիքային սահմանափակումների:

Հիշեցնենք, որ դպրոցական աղջիկների կողմից պատրաստված բջջային հավելվածների մրցույթը կազմակերպում են «Կանայք և տեղեկատվական հասարակությունը» ՀԿ-ն և Կրթության ազգային ինստիտուտը: