08.04.2019թ. Թեմատիկ գրավոր աշխատանք Աշխարհագրությունից /մասնակցում են 10, 11-րդ դասարանները/, Դասղեկի ժամ 10-բ և 10-գ դասարաններում ,,Մայրն ընտանիքում կերտում է պետություն,, թեմայով, Դասղեկի ժամին 11-ա դասարանի աշակերտները պատրաստում են բացիկներ Մայրության և գեղեցկության տոնի առթիվ

1. Թեմատիկ գրավոր աշխատանք Աշխարհագրությունից
Մասնակցում են 10, 11-րդ դասարանները

2. Դասղեկի ժամ 10-բ և 10-գ դասարաններում ,,Մայրն ընտանիքում կերտում է պետություն,, թեմայով

Դասղեկի ժամերին կազմակերպվում են Մայրության և գեղեցկության տոնին նվիրված դասարանական քննարկումներ ,,Մայրն ընտանիքում կերտում է պետություն,, թեմայով:
Որևէ ազգի կնոջ դերը քննարկելիս, երևի պիտի սկսել ընտանիքից, քանի որ ընտանիքի կազմավորումը որպես կայուն միավոր սկիզբ է առել հազարամյակներ առաջ:

Դասղեկի ժամ 10-գ դասարանում
Թեման ՝ ,,Մայրն ընտանիքում կերտում է պետություն,,

Առաջին հատված
Մտագրոհ թեմայի շուրջ:
Աշակերտներն արտահայտեցին իրենց պատկերացումները, զգացողությունները, կարծիքները:

Երկրորդ հատված
Ոսուցիչը ներկայացրեց մոր դերը և մայր երևույթն առհասարակ:

Երրորդ  հատված
Աշակերտները գրեցին ,,Մայրն ընտանիքում կերտում է պետություն,, թեմայով շարադրություն և ընթերցեցին այն:
Ստորև ներկայացնում ենք հատվածներ:

Գասպարյան Էլեն /10-գ/
- Մայր հասկացողությունն ունի շատ իմաստներ: Այն տանը, որտեղ կա մոր սերը, երբեք չի կարող տխրություն լինել: Եթե բոլորն ունենան այդ սերը, նրանք կարող են կերտել մեծ, խաղաղ ու սիրով լի պետություն:

Նազարյան Մարգարիտա /10-գ/
- Մայրերը պետք է լավ դաստիարակեն և հետևեն իրենց երեխաներին, որպեսզի պետությունը ամուր լինի: Գնահատենք մեր մայրերին...

Արշակյան Սոնա /10-գ/
Ընտանիքում մոր կատարած գործը և դերը շատ մեծ է: մայրը երեխայի համար հույսի, հոգատարության և սիրո ամենամեծ աղբյուրն է: Երեխայի ապագա գործունեությունը կախված է մոր դաստիարակությունից:
Պետությունն ինքնին մի մեծ ընտանիք է, որի կայացման համար հարկավոր է քրտնաջան աշխատել:

Հովհաննիսյան Գրետա /10-գ/
- Ճիշտ դաստիարակված  զավակը դառնալու է պետությանն արժանի մարդ, նաև ազգին արժանի զինվոր:
Մայրը պետք է կարողանա զրուցել և հասկանալ երեխայի բոլոր հուզող հարցերը և խնդիրները: Մենք պետք է գնահատենք մայրերին


Դասղեկի ժամ ,,Մայրն ընտանիքում կերտում է պետություն,, թեմայով:
Դասարան 10- բ դասարան

Դասղեկի ժամ՝ մտագրոհ, թեմայի քննարկում

Հատվածներ աշակերտների մտքերից

Պալյան Թեհմինե /10-բ/

- Կարող ենք ասել, որ մայրը պետության հիմքն է: Մոր տված դաստիարակությունից է կախված երեխայի ապագան, տղայի զինվոր դառնալը, աղջկա՝ հետագայում լավ զավակ և մայր դառնալը:

Գեղամյան Վարդուհի /10-բ/
- Մայրը մեծ նշանակություն ունի պետության կերտման գործում: Նա մեծացնում և դաստիարակում է ապագա զինվորներ: Նրանցից շատերը զոհվում են հանուն հայրենիքի... Մայրն է ազգի ապագան կերտողը:

Ավագյան Արևիկ /10-բ/
- Մայրը հավերժական կոչում է: Առանց մոր ընտանիքը լիարժեք չի: Մայրը տան ճրագն է: Առանց մոր օրերը կարծես դատարկ լինեն, ամեն իրավիճակում զգում ես մոր կարիքը, նրա բացակայությունը: Երբ մայրը կա՝ օրերն ուրախ են:
Առանց մոր կյանքը և աշխարհը չէր լինի:


3. Դասղեկի ժամ  /11-ա դասարան/

Մայրության և գեղեցկության տոնի առիթով աշակերտները պատրաստում են բացիկներ

11-ա դասարան, դասղեկ՝ Մ. Ապրեսյան