12.04.2019թ. Խորհրդակցություն ուսուցիչների մասնակցությամբ /վարում է տնօրենի տեղակալ. Ն. Հովսեփյանը/, Դասղեկի ժամ /թեման՝ ,,Մասնագիտական կողմնորոշում,, ֆիլմի դիտում, այցելություն բուհեր/,

Խորհրդակցություն ուսուցիչների մասնակցությամբ
/վարում է տնօրենի տեղակալ. Ն. Հովսեփյանը/

Օրակարգում՝

1. Մայիսյան հերոսամարտեր
2. Ընտանիքի օր` նշվում է մայիսի 15-ին
3. Լավագույն աշակերտների ծնողների պարգևատրում
4. Սպորտային մրցույթ:

Որոշվեց՝

֊ Կազմակերպել միջոցառում՝ նվիրված Շուշիի ազատագրմանը։
֊ Կազմակերպել ռուսական երգի փառատոն՝ նվիռված Հաղթանակի օրվան։
֊ Մայիսի առաջին շաբաթվա Դասղեկի ժամի թեման դարձնել ,,Ընտանիքի օրը,,։ Աշակերտները պետք է նաև հարևաններին իրազեկեն այդ տոնի մասին և մտածեն, թե ինչպես պետք է իրենց ընտանիքում նշեն այդ տոնը։ 
Կատարված աշխատանքները կքննարկվեն դարձյալ Դասղեկի ժամերին։
֊ Քանի որ Ընտանիքի օրը նշվում է մայիսի 15-ին, իսկ լավագույն աշակերտները լավագույնն են նաև ընտանիքի ուսման նկատմամբ ունեցած վերաբերմունքի շնորհիվ։ Այդ օրը կազմակերպվում է լավագունը ճանաչված աշկերտների ծնողների պարգևատրություն: Հրավիրվում են լավագույնը ճանաչված աշակերտները, նրանց ծնողները, նրանց հիմնական դպրոցների տնօրենները, դասղեկները։ Կլինեն նաեւ անակընկալներ։

Հանձնարարվեց աշխատանքներն ավարտել նշված ժամանակահատվածում

2. Դասղեկի ժամ
/թեման՝ ,,Մասնագիտական կողմնորոշում,,
 ֆիլմի դիտում, այցելություն բուհեր/

Մասնագիտության ճիշտ ընտրությունը լավ մասնագետ դառնալու առաջին պայմանն է։
Դասղեկի ժամերին նախատեսված այս ֆիլմերը, որն առաջարկել է դպրոցի տնօրեն Արտաշես Թորոսյանը, պատկերացում, գիտելիքներ, տեղեկություններ կտան մարդկային պատմության չափ հին մասնագիտությունների մասին, ինչպիսին են իրավաբանի, բժշկի, շինարարի մասնագիտությունները։ Իսկ արաջին կին ծրագրավորողը համարվում է Ջորջ Բայրոնի դուստրը՝ Ադա Լավլեյսին։ Ներկայացված ֆիլմերը դասարանները դիտում են ըստ հոսքային ուղղվածությունների:
Տնտեսագետի մասնագիտություն, Ծրագրավորողի մասնագիտություն, Իրավաբանի մասնագիտություն, Բժշկի մասնագիտություն, Շինարարի մասնագիտություն:

Դասարան՝ 10֊րդ դասարան /հումանիտար ուղղվածություն/
Աշակերտները դիտեցին ֆիլմ իրավաբանի մասնագիտության մասին, այնուհետև քննարկեցին: Ուսուցիչի հարցերը թույլ տվեցին աշակերտներին հասկանալ և մեկնաբանել իրավաբանի մասնագիտությունը:

Քննարկումներ

- Իրավաբանը աշխարհի ամենաթանկ վարձատրվող մասնագիտություններից մեկն է: Իրավաբանը պաշտպանում է հասարակության իրավունքները: Անգամ եթե չեք ընտրում իրավաբանի մասնագիտությունը, յուրաքանչյուրը պետք է իմանա օրենքներ, որ կարողանա պաշտպանել իրեն:

- Ես չեմ դառնալու իրավաբան, սակայն իրավաբանական գիտելիքները պետք են կյանքի յուրաքանչյուր բնագավառում չխաբվելու, սեփական իրավունքները պաշտպանելու համար:

- Իրավաբանի պաշտոնը ունի գործառույէների լայն շրջանակ: Այս մասնագիտություն ունեցողը պետք է լինի արդարության ջատագով բոլոր, այլ ոչ թե օգտագործի սեփական շահերի համար: Լավ եկամուտներից բացի, իրավաբանը պետք է մտածի նաև արդարությունը պածտպանելու և վերականգնելու մասին:

Դասարան 11-րդ  /ֆիզմաթ և կենսաքիմիայի ուղղվածություն/
Աշակերտները դիտեցին ֆիլմեր ծրագրավորողի և բժշկի մասնագիտությունների մասին: Նրանք իրենց կարծիքները և դիտարկումները  արեցին ֆիլմը դիտելուց հետո:

Հակոբյան Ստեփան /10-դ/
- Ես ցանկանում եմ դառնալ ծրագրավորող, ֆիլմը դիտելուց հետո ավելի քան վստահ եմ իմ ընտրության հարցում:  Այս մասնագիտությունը օրեցօր զարգանում է, ես երբեք չեմ ձանձրանա ծրագրավորողի մասնագիտությունից: Կյանքն առանց ծրագրավորողի անհնար է: Առանց ծրագրավորման հնարավոր չէ զարգացնել կյանքի ցանկացած ոլորտ:

Արզանյան Արմինե /10-դ/
-  Նայելով այս տեսանյութը հասկացա, որ ճիշտ որոշում եմ կայացրել: Այսօր բժշկի մասնագիտությունը ավելի ու ավելի է կատարելագործվում, մեզ անհրաժեշտ են գրագետ ու բանիմաց բժիշկներ:
Տեսանյութում մանրամասնորեն ներկայացվում է բժշկի աշխատանքը:
Այս տեսանյութը բժշկի մասնագիտության մասին օգնեց ինձ ընդունել ճիշտ որոշում: