ԲՆԱԳԻՏԱԿԱՆ ՑՈՒՑԱՀԱՆԴԵՍ-ՄՐՑՈՒՅԹ ՀԱՐԱԿԻՑ ԴՊՐՈՑՆԵՐԻ ԱՇԱԿԵՐՏՆԵՐԻ ՀԵՏ

                                                

      Նոյեմբերի 10-ին թիվ 198 ավագ դպրոցում կայացավ ցուցահանդես-մրցույթ հարակից 2  հիմնական դպրոցների՝ թիվ 186 և թիվ 197 աշակերտների միջև:Մասնակցում էին   նաև  թիվ  198 ավագ դպրոցի 10-4 (կ/ք) հոսքի աշակերտները:

 Միջոցառման թեման՝<<Լոռու մարզն>> էր:

Մասնակիցներին բաժանել էին 4 խմբերի:Յուրաքանչյուր խումբ պետք է ներկայացներ  1 պաստառ և 1 սալիկահանդես/պրեզենտացիա/:Խմբերից մեկը ոսումնասիրել էր Լոռու մարզի աշխարհագրությունը-ղեկավար՝ Ֆ. Միրոյան:Երկրորդ խումբը ՝Լոու մարզի քիմիական արդյունաբերությունը-ղեկավար՝ Մ.Ապրեսյան:

Լոռու մարզը ֆիզիկայի տեսանկյունից  ուսումնասիրել էր   3-րդ խումբը –ղեկավար՝Կ.Ադամյան և 4-րդ խումբը  ՝Լոռու մարզի բուսական և կենդանական աշխարհը-ղեկավար՝  Լ.   Բալայան:Ամեն շաբաթվա հինգշաբթի օրը աշակերտները այցելում էին 198 ավագ դպրոց և ղեկավարների օգնությամբ կատարում  աշխատանքները:

Աշակերտները այնքան ոգևորված էին,որ բացի հինգշաբթի օրից ամեն օր այցելում էին 198 դպրոց աշխատանքները շարունակելու և միմյանց հետ շփվելու համար:

      Ժյուրիի կազմում  էին  թիվ198 ավագ դպրոցի ռուսաց լեզվի ուսուցչուհի՝տիկին Ն.Թորոսյանը, թիվ 186 դպրոցի  աշխարհագրության ուսուցչուհի՝տիկին Մարտիրոսյանը,կենսաբան՝տիկին Ղուլիջանյանը,քիմիայի ուսուցչուհի՝տիկին Բաղդասարյանը:

Բոլոր խմբերը հերթով  ներկայացրեցին իրենց մեկ ամսվա ընթացքում կատարած աշխատանքները:Չորս խմբերն էլ պատրաստել էին մեկական սալիկահանդես ընտրված առարկաներից:Աշխարհագրության , ֆիզիկայի և քիմիայի խմբերը պատրաստել էին գեղեցիկ պաստառներ,իսկ կենսաբանության խումբը՝գիրք Լոռու մարզի բուսական և կենդանական աշխարհը  տարվա չորս եղանակներով:Գրքի մի էջը նվիրել էին Հ. Թումանյանին,քանզի ինչպես նշվեց միջոցառման ժամանակ .խոսել Լոռու մարզից և չհիշել Մեծն գրողին աններելի կլիներ:Աշակերտները արտասանեցին  <<Լոռեցի Սաքոն>> պոեմից մի հատված,և այդ ամենը ներկայացվում էր <<Անուշ>> օպերայի երաժշտության տակ:

 Այսպես ներկայացվեց մեր հրաշք Լոռին:

  Ժյուրիի անդամները արտահայտեցին իրենց գոհունակությունը և նշեցին , որ այս մրցույթում բոլոր խմբերը հաղթող են :  Երեք մասնակից դպրոցներին 198 ավագ դպրոցի տնօրինության կողմից շնորհվեցին պատվոգրեր,մասնակցության վկայականներ և շնորհակալագրեր մրցույթին ակտիվ մասնակցելու համար :Հարակից դպրոցների ուսուցիչներն ու աշակերտները գրեցին իրենց կարծիքը միջոցառման վերաբերյալ:

          Նման միջոցառումները ունենում են դրական նշանակություն:Բացի ստացած գիտելիքներից ,աշակերտների միջև ստեղծվում է մտերմություն,ընկերություն,որը կարևոր է հիմնական և ավագ դպրոցների շարունակական  կապը պահպանելու համար:Նման աշխատանքները  պետք է կրեն պարբերական բնույթ: